كلامى
اكتب عن ايه ولا ايه و لا ايه
طب اكتب لمين وهكتب ايه
طب انا نفسى افهم انا اصلا بكتب ليه
شهره ومجد ولا نفسى فى كام جنيه
ويا سلام بقه لو جمهور و ناس تقولى هيهه
ولومشيت معايا, مش بعيد اعيش دور عرابى او سعد بيه
وحتى لو حصل
ولقيت ضميرى وصل
وفاق وكمان ادان
وقال يا عم فلان
انا مذهول وفيه ايه
وليه يعنى كده تبعنى بالف جنيه
طنش وعديها
او اريح اديها
حقنة مخدر فى الدماغ
حقنة مخدر للدماغ
حقنة مخدر للضمير
حقنة تحديد المصير
حقنه مخدر للغنى قبل الفقير
ولسه برضو بسأل نفسى بكتب ليه
بكتب كلام ساعات افهم وكتير ما افهمش معانيه
ولو افهم او ما افهمش يعنى الفرق ايه
المهم انى اكتب واهو كلو هجص يا بيه
طب الاهم انى افهم كلامى ولا احس بيه
طب بعد ما افهم و بعد ما احس ب أجى و أبص
حواليه ومش بلاقيه
واسأل نفسى هو العيب فيا انا ولا فيه
و الاقى العيب فيا وفيه وفى كل شئ حواليه
احمد حسام
4 comments:
مفيش حاجه اسمها كلام مش فاهم معانيه..
ما دام كتبته.يبقى حسيته و مادام حسيته يبقى طز فى الفهم..
هو الفهم يعنى عملنا ايه..
قالولى مره:ريحى نفسك و ما تساليش ليه كتير..مش مهم تعرفى السبب عشان حيضيع عمرك و مش حتعرفى ليه..
المهم حتعملى ايه!!
جميل البوست ده..جماله فى بساطة و عفويه هاديه.
msa rly nice and deep....
a7la haga eli dayman bas2lha ..tefteker el kalam kefaya 3shan yebayen w ye3abar 3an waht u rly feel? ....hal kelma momken te3abar 3an everything u wanna say?...... di a7la haga f this blog..7asesstni 2ad eh there is so much meaning guowak bss el kalam eli enta msh fahmo msh me5alik t3rf te3abar...its like a blocking wall :) ....rly nice..keep it up.
thanx ya rasha
3azza,, ma3aki 7a2 wel3aks kaman sa7 gedan
ya3ni fee nas ketir aghlab elnas bema3na asa7,,beyhagaso most of the time we bey2olo ay kalam homa awel nas meshmoktane3een beeh,we 3arfeen eno 7ags,bas beymaselo
Post a Comment