سهران لوحدى انا و القمر و النجوم بلليل
و الوحده صعبه قوى و الليل ممل و طويل
و الوحده مش وحدة مكان بسيط و ضئيل
او زمان ضايع مفيهوش ونس وخليل
دى الوحده جوه النفس عذاب وويل
الوحده جواك تمحى الدفا و تشيل
صفا الروح و النفس وكل جميل
وتجيب مكانهم من السواد والهم سيل
فى قلب عمره من البراءه كام يوم قليل
عنده الامان مجرد حلم قديم من غير دليل
والامانى وهم ,وكتير الوهم بيكون اهم بديل
الوهم اجدى من الحقيقه, بسيط قوى و جميل
مفيهوش صعب ومستحيل ولا تعقيد ولا تسهيل
ريح دماغك واقفل جفونك وشيل الهم شيل
واسرح فى الفضا بالخيال و مع النجوم حلق وطير
عند السحاب وجنب القمر نسمة هوا واحلى عبير
والندا فوق البنفسج جمال وبهجه واضحه قوى وكتير
ساعتها,
افرد جناحك هناك
وسيب الندا يعيش جواك
وشم النسيم حواليك ومن براك
وحس روحك صافيه كمان وياك
انسى الهموم و خليها كمان تنساك
احمد حسام
9 comments:
و الوحده مش وحدة مكان بسيط و ضئيل
او زمان ضايع مفيهوش ونس وخليل
دى الوحده جوه النفس عذاب وويل
جميلة أوي
i second touta..
gameela awe..
speaking my heart exactly..bas lesa badre 3aleek men elham ya ahmed..
allah yeraya7 balak :)
ya rab ya rasha yesma3 men bo2ek rabena,
يا ريتني مكنتش قرأتها عشان انا كده تعبت اكتر ممكن تقولي حاجه تنسيني اني وحيد قوي كده
على العموم انا اعترف انها رائعه بس الحزن فيها اقوى من الجزء المتفائل
احييك عليها
هايل يا احمد
بس يا ريت لو كنت تعرف المدونين المصريين هيجتمعوا امتى تبقى تقولي لحسن كل مره يفرقعوني
nice ssssssss my friend, although i don't like this type, am not into sadness....please publish the sarcastic ones pleeeeeeez....yabo shiko!!
شنكوتى,,,
شكرا جدا على تعليقاتاك و معلش عشان انا عارف انى رديت عليك متاخر
وسيم بيك,,
صديقى الرخم
عاوز ايه يعنى منى اكتبلكش اغنية راب عشان تتبصت,,, مالى انا بيك لك فالحزن و لا لأ,,
فى قلب عمره من البراءه كام يوم قليل
عنده الامان مجرد حلم قديم من غير دليل
والامانى وهم ,وكتير الوهم بيكون اهم بديل
الوهم اجدى من الحقيقه, بسيط قوى و جميل
wow ..:) beautiful msa.
ya 3am ahmad, maba2ashfi 2oloob bari2a 5alass looool....:) wel 2aman...bye bye.... wel 2amani ba2et wahm ...bss law kol wahd fedel 3ayesh f wahmo hatb2a mossiba :) rabena yefrgha 3leeena.... nice work.
3azza,
mana 3aref enoo nice
work,hewa ana ya3ni kot mestani ra2yek,,lol (:
Post a Comment