انتباااه

انتباه دى لسه كاتبها من حوالى نص ساعه..

وبغض النظر عن المحتوى الراقى للكلام

انوا الفكره جاتلى وانا فى الحمام فجاه لقتنى بقول لسه فى امل . مش الفكره انا مبحددش فكره واعد افكر ازاى هكتب فيها قصدى الدخله
المشكله عندى دايما نتنقى فى الدخله او التسليكه.. و بعدين انا بعد كده بفتح .. و ربنا بيسهل العمليه.... . ماحوظه انا دلوقت خلاص بره الحمام عشان محدش يفهم غلط.. المهم اهميه القصيده.. انا اكتر حاجه حاببها فيها انها مختلفه عن كل الحاجات الكئيبه اللى قبل كده... ماحوظه انا كتبتها فى نص ساعه. طول النص ساعه دى كانت اغنيه واحده لفيروز بسمعها الا و هى .. مش عارف اسمها الصراحه.. بس حاولو تلاقوها لانها

اغنيه جامده قوىىىىىى

...........................................................

لسه فينا الامل
مهما تطول الليالى او يخدنا الكلل
مهما تكون الحقيقه باهته وصابها الشلل

برضوهنفضل نقول لسه فينا الامل

يبقى فينا الجمال ونضور عالمحال

ونتوه بين الامال موال ورا موال

ويفضل الموال برضو صعب المنال

ولسه فينا براءه بس ناقصها البطاقه

بطاقة الهويه دى هويه ملهاش ديه

عايشه قوى بحريه

ساعات تلاقيها رايحه وساعات تلاقيها جايه

ولسه فينا الروح .... اللى تخلى الحياه

رغم الالم و الاه

والحزن فى منتهاه

ييجى الامل فى الله

ويقولنا انتباه

دا كل حد فينا فى حاجات كتير جواه

حلوه قوى وملياه

وعايزه بس منو

مجرد انتباه

احمد حسام الدين"