العميد المزيف

Paul scholes"the real dean"

العميد المزيف "

من شويه كنت بتفرج على تسجيل ماتش مصر وكوت دى فوار بتاع كاس الامم اللى

فات ومصر فازت بيه
المهم لحد الدقيقه 70 من الشوط التانى النتيجه كانت 2/1 لمصر

لحد ما احمد حسن شاط قنبله من بره ال 18 . الكوره جات فى العرضه و رضت تانى عشان تلاقى العمييد
واقف مستانيها زى الوحش. الكوره كات سهله جدا و مجرد لمسه او حتى نطحه مباشره كانت كفيله انها تسكن الكوره شباك العدو و تخلص الماتش

لكن العميد حسام حسن ابى الا ان يلعبها بمياعه و فذلكه عجيبة الشكل.. عشان تكاد الكره تخرج اوت لولا عماد متعب اللى كن جاى مندفع من

ورا عشان يشوطها بكل رجوله وجديه و يجيبها جول

كل ده مش مهم .. العجيب والمضحك والمحزن فى الوقت نفسه هو رد فعل حسام حسن بعد ما الجول جه
واذا بكل اللاعيبه طايره مالفرحه وبيجروا ومزقططين و ملمومين حوالين عماد

واذا بالعميد العظيم وقائد المنتخب تكاد الدمعه تفر من عينه.. و بيلطم او خلينى اكون محترم و اقول بيخبط على وشه من الندم والحزن انه مش هوا اللى جاب الجول.. و الكاميرا صورت ده وركزت عليه

!بئس العميد والكابتن . والله حركه ذى دى ما تطلع من ملازم اول ولا حتى شويش مش عميد

انانيه وحب للنفس بشكل مريض .. و حتى لما بشوفه بيتتكلم فى التلفزيون . بجد انا نتفرج عليه عشان اضحك كبرياء على غباء على تقل دم على شوية عياط كمان انه مش واخد حقه قوى وان محدش مقدره و انه واحد زيه لو فى مكان تانى غير مصر كان زمانه دلوقت بقه لواء او ختى اركان حرب.. حاجه تغيييظ.. دا احنا لو فى بلد تانيه غير مصر وحد عمل اللى العميد عملو ده كانو مش بعيد ينزعو عنه الجنسيه او

....... على الاقل يكروشوه برا المنتخب و يرموه رمية ال
دول لاعيبة كوت دى فوار ما كانش باين على وشهم علامات الحزن والندم زى ما كانت باينه على وش العميد .. وعجبى .. قال ايه يطلع

.... ...ويقول انا مظلوم.. وحياة ربنا ما فى حد مظلوم قدنا

العميد الحقيقى ولا بلاش هوا بول سكولز لاعب منتخب انجلترا المخضرم سابقا و مان يونيتد حاليا
حرفنة ايه وفكر عالى قوى فى الملعب ايه وكابتن وقائد للفريق بجد .. وقبل ده كله اخلاق اخلاق اخلاق
لسه من اسبوعين شايفلوا ماتش فى الدورى الانجليزى .. جاب فيه جولين من شوطين من بره ال 18 .. والمان فاز3/0 الجولين دول فيهم مالحرفنه والفن اللى كفيل انه يشبع الواحد كوره لسنه قدام
كل ده و بول سكولز مش ضمن قايمة المنتخب الانجليزى الحاليه.. ولا بقه قعد يعيط و يشتم عشان محدش مقدره .. ولكنو بذكاء واخلاق فى نفس الوقت ساب المهمه دى للجمهور اللى يحس انو مفتقدوا ويطالب انه ينضم للمنتخب .. مش يقعد يفرض نفسه عالناس و بكل بجاحه يقول هوا محدش مفتقدنى ليه