مش هتقدر تغمض عينيك

<هلا شو >

هلا بلا

حكا شكا
كلام بجد مش همبكه
حوارت متدلعه وجمل متلمعه

اما بقى المضمون
فى الضياع والدربكه
وناس تسقف ليه؟
عشان دماغها مفستكه

وشوية انفعلات كده
وشويتين سهوكه
وحبة ناس معقدين
ملهمش غير فى الانتكه

من بره حلوين قوى
وجوا المضمون اشتكى
من كتر الكدب و الحربكه

ضحك وانس وفرفشه
و اندماج فى الدردشه
ومفيش مانع من البكا

والناس غلابه مصدقه
ودماغها بايظه من الشقا
والقسوه فى قلوبها صارت
علامه ومنطقه

لا حب فى ايديهم ولا حلم فى عنيهم
بقى
عايشين مجرد انيكات متحنطه
ومعتقه

معدش في حاجه لها طعم ولا ريحه
غير الغنوه الحزينه واللى كلماتها جريحه
وليالى فى الغربه والوحده
بقت ذكريات قبيحه
واحلام عليها حكم بالاعدام
او للفراش طريحه

احمد حسام الدين