مليت انا وفاض بيا
واتخنئت خلاص
لا اهل ولا صحبه ولا عدش فيه اخلاص
لاكلمه حلوه ولابسمه صادقه
الكل بقى هجاص
ولاحتى نسمة هوا نضيفه
مافى غير تراب وعماص
طول النهار كدب وفهلوه
وساعات كمان رقاص
وفالطريق للبيت
طبعا لازم خناقه فى المكروباص
فى البيت تلاقى الوليه بتبصلك وكانها عباس
بليل بقى والسحابه السودا
واحلى جو خاص
طول الوقت حاسس انى وحيد قوى
لا ليا اهل ولا ليا ناس
تعبت كتير انا وحاولت احب البلد دىوحاولت اكون قرطاس
وحاولت اكون حرفوش.
.عايش زى الهاموش.
.ماليش لا صوت ولا احساس
..وانا دلوقتى ايه غير مجردتيشرت وبنطلون ولباس
وشوية جيل على شعرى
ونضاره ومشيه كلاس
وحبة صحاب فى الهمبكه
..وساعة الجد كلو خلاص
وحبة جيران فى حبة فيران
وحبة شجاعة قى مليون جبان
وحبة زباله ورزمة نداله
وحبة تناكه فى قباحه فى رزاله
وشوية شجن وحبة حنين
لبلدى اللى قيها لقتنى سجين
سجين ومسكين
ومش عارف الطريق على فين
كاره الحنين للوطن ومش طايق فى بعدو يومين
""احمد حسام الدين
No comments:
Post a Comment