لبنان نانسى و بسكال مشعلانى ام مقاومه ام فتنه طائفيه من تانى؟

ايش عم بتريد يا زلمه اللا يخليك اتركنا عم بنسوى حالنا بروحنا ,الشيغله كلى سياسه من عم نا اول , مافيها ايشى من المصارى او النسوان, ما حدا لو فينا,, نحنا ليبنانيين عم بنسوى هاك الشيغلى بينا و بين بعضينا
,
احمد بن حسام
زعيم تيار بيروت الحبيبه, و المتحدث باسم مجموعة 16 ازار و عضو الاكثريه و النايب فى البرلمان و صاحب مؤسسة من اجل لبنان الاعلاميه و قائد اللواء الثانى من الجيش الثالث بتاع الضاحيه الرابعه فى بيروت العاصمه
بقالى يومين ما بضيرش التلفزيون عن الجزيره عايز اشوف ايه اللى هيحصل هل فعلا ممكن تقوم حرب اهليه, يعنى بعد اليومين اللى فاتو دول الامور ابتدت تهدا شويه,, بغض النظر عن حوالى الخمسه اللى ماتو و الميه اللى اتصابو و كونهم من المعارضه ام من الاغلبيه قصدى الاكثريه بين هلالين _على رأى غسان بن جدو_ تيار اربعتاش ازار
لو حد كان سالنى عن لنبان من سنتين كنت بكل بساطه هقوله لبنان دى هى المصدر الرسمى للمزز فى العالم العربى, يعنى تخصص مزز
يعنى الوطن العربى ده مثلا متقسم لبلاد تحارب و تتطحن فى افكارها زى مصر, وبلاد تانيه تديها مساعدات عشان هي اتطحنت بالنيابه عن الجميع من اجل القضيه و القوميه زى السعوديه و دول الخليج,, و بلاد تالته" بؤ "عالفاضى تشعلل المنطقه و تحميها بكلام فاضى و ساعة الجد تلاقيهم قطط و" حاربى يا مصر", زى ليبيا بقيادة الاخ الشويش معمر الجذافى و بلاد رابعه تتفرج و تشجع اللعبه الحلوه حسب الموقف زى السودان و بقيت دول المغرب العربى ,و و يجى بقه الدور الاهم للبنان فى الترفيه عن الجميع,و بما تملك من جو ساحر و طبيعه خلابه و مزز اخلب
بس الصراحه حرب الصيف اللى فات "حزب الله مع اسرائيل" و اللى شفته مش بس من المقاومه,الحرب دى كانت فرصه اشوف ناس كتير و الوان مختلفه من الشعب ده, بيتكلمو فى كل حاجه و يعبرو عن رأيهم باشكال مختلفه,و ناس مثقفه جدا و عندهم هويه مستقله" بغض النظر اذا كانت مع المقاومه او حتى مع الاكثريه او امريكيه"
بس عندهم رأى فى اللى بيحصل و يعرفو يتكلموا و يدافعوا عن رأيهم,و حتى لو واحد بسيط من الشارع تسمعه بيتكلم تلاقيه بيتكلم بفصاحه وواعى و فاهم,, ويقنعك بانه التيار اللى هوه فيه هو الصح,و و عندهم كاريزما كده وتحس ان كل حد مختلف عن التانى مش زى " ناس" العدد فى اللمون., و احلى تكبير دماغ و" انا مالى ياعم اياكشى تولع",, طبعا انا مش قصدى احنا لا حاشا الله
وطبعا لبنان ذى اى حاجه حلوه دلوقت بتضيع و من سئ لاسوأ, بسبب كتر التيارات السياسيه و انها كلها من غير استثناء عندها اجنده خارجيه اكتر منها وطنيه,,, بس انا اكتر حاجه خايف منها بجد هى انه يجى يوم حد يعوز يعمل حزب فى لبنان ميلاقيش مكان فى السنه فاضى,, الصراحه حاجه تفرس البلد مليانه تيارات و احزاب, اشى تيار 14 ازار واشى 12 ايلول, وغيرهم و غيرهم نفسى افهم ايه السر فى اختيارهم ايام السنه و حبهم فيها, انا خوفى بس انه السنه تخلص و يجى حد يعمل تيار جديد ميلاقيش ايام فاضيه, ويضطر بقه يخش عالساعات, مثلا يعمل تيار 14 ازار ونص و 12 ايلول الا خمسه و عجبى
وطبعا باغير القناه لقيت الال بى سى و ستار اكاديمى ,, قلت ياه هو البرنامج ده لسه عايش رغم الحرب و كل الظروف دى اللى فى لبنان,, اما صحيح ناس محترمه و بيأدوا واجبهم بغض النظر عن الظروف الملغبطه ,وفعلا الحاجه الحلوه بتعيش,, وستار اكاديمى دى من جهة الحلاوه حدث و لاحرج,, انا من رأى انهم يغيروا اسم البرنامج ده و يخلوه القلع اكاديمى, فعلا القلع هو اكتر حاجه ممكن تلفت نظرك و انت بتتفرج على الشو ده , لحمه مكشوفه بالهبل و كانها مسابقه عالميه للى تقلع اكتر و تعرى جسمها ومين تزود , قصدى تقلع اكتر , ويلا اهى فرصه الشعب العربى الجعان اللى عمره ما غذا معدته باللحمه عشان يغذى نظره , و طبعا القلع شامل لم يثتثنى منه احد,و سواء بقه التلاميذ هيههه حلوه تلاميذ دى ,و النبى ابقه سلملى على طه حسين و رفاعه الطهطاوى ييجو يشوفوا التلاميذ ولا بلاش, او الاساتذه و حتى الوليه القرشانه الللى رجلها و القبر دى صاحبة الاكاديميه و طبعا المذيعات اللى بيقدموا وااهه من المذيعات و حتى الجمهور اللى بيشحع,, مع اننا فى الشتا بس الظاهر كده انه موضوع القلع ده مسئلة مبدأ و حياه او موت
يعنى انا ممكن افهم لما المعتصمين فى الساحه قدام السراى الحكومى عشان الحكومه تستقيل,و كونهم بيستحملو البرد و يباتو فى خيام, بس عادى بيستحملو عشان هما اصحاب قضيه و السلام امانه للسنيور سنيوره,
طب المزز دول لما الواحده صدرها كله يكون باين و لبسه فستان يا دوب اخره تحت السره, ولاد اللذينا دول مبيبردوش, ده الواحد بيكون قاعد فى البيت ولابس الدولاب كله و برضه متلج, عالم صحه صحه الصراحه, و لا يمكن عندهم جينات خاصه جنب جينات المزمزه,, جينات الدفا و استحمال البرد عشان تقدر تعرى جسمها و تقوم بالواجب القومى العظيم فى امتاع و تظبيط الشعب,, و اشباع نظر وطن عربى بالكامل جعان جدا بطنا و نظرا,, طب النظر و المزز قاموه بدورهم القومى على اكمل وجه لاشباع الشعوب و مقصروش الصراحه,, الدور و الباقى عالحكام يتعلموا حاجه من المزز و التفانى و الاخلاص فى اداء واجبهم و اشباع بطون الشعوب العربيه اللى يجى اكتر من نصهم عايشين تحت خط الفقر
ولا اللى بيقولو انه لما واحده تلبس قصير او تبين صدرها دى هى الموضه و الشياكه, دول يعنى عبط ولا بيستعبطو .. طب لما هى شياكه ومش اثاره ليه الراجل كمان مش بيلبس قصير و يبين جسمه كنوع من الشياكه,, يعنى نفسى افهم ايه هى الشياكه هل هى اثاره ولا جمال؟, لو اثاره ماشى عادى ممكن وقتها نصدق انه اللى بتعرى جسمها دى شيك.. لكن لو بنتكلم بقه عن الجمال و الرقى و السمو الحقيقى اعتقد انه اول شرط فيه هو انه يكون بعيد عن اى شبهة اثاره او مداعبه للغرائز اللى موجوده فى الحيوانات,, بصراحه بقه الموضوع مفيهوش ذرة شياكه من بعيد او قريب الموضوع حب الظهور و لفت الانتباه بأى تمن ,و اللى تعرى اكتر تتشهر اكتر وطبعا لا عزاء للدين و لا حتى الاخلاق,, انه بنى ادمه روح و عقل و جسم ,, تختزل فى حتة لحمه بتلمع كله بيتمنا انه ياخد قطمه او حتى يشمها وكله فى الضعيييف,,
و العجيب انه لو حد بص على رجل واحده , تلاقى كله بيلومه و يتهمه انه انسان همجى او حيوان, طب ليه ماهو انتا لو معترف ان رجل الواحده او جسمها ده عوره و انه شئ ميصحش انه نشوفه مكشوف روح لوم النفس المريضه اللى كشفته وانصحها انها المفروض تغطيه بالكامل, ولو مقتنع انه شئ عادى ومش عوره او شئ مثير , طب ليه بقه البص عليها عمل همجى و حيوانى , و صباح التناقد و تهييس قال ايه المنفتحين او العلمانيين, طب طظ فيهم بقه,, )(
يعنى انا اللى اعرفه انه الطبيعى لما اغير القناه و الاقى واحده صدرها باين شئ طبيعى انه هيعجبنى , و تلاقائيا هلاقينى متمزج و انا بتفرج عليه, بس برضه لازم اغير القناه بسرعه عشان عداد السيئات شغال عالاخر
بس نفسى افهم كام واحد هيجيلو قلب و يغير القناه ,, وكام واحد مش هيغير و كام بنى ادم طبيعى ممكن يتفرج على واحده تلات تربع جسمها باين من غير ما يريل ,, قال ايه يعجب بس بالشياكه و يكون انسان متحضر
و النبى السلام امانه للشياكه و التحضر و الانسانيه و كوفى انانى و الستوماك و البيكينى و مين يزود
و خلى الشعب يعيش ان شالا عن ماحد حوش
احمد حسام